കടബാധ്യത; അച്ഛനും അമ്മയും ആത്മഹത്യ ചെയ്തതിനു പിന്നാലെ മകനും തൂങ്ങിമരിച്ചു, സംഭവം ചങ്ങനാശ്ശേരിയിൽ
സാജു ആന്റണി, ഭാര്യ അനു സാജു, സവിൻ സാജു
ചങ്ങനാശ്ശേരി: കോട്ടയം ചങ്ങനാശ്ശേരിയിൽ ഒരു കുടുംബത്തിലെ മൂന്ന് പേരെ തൂങ്ങി മരിച്ച നിലയിൽ കണ്ടെത്തി. സാജു ആന്റണി, ഭാര്യ അനു സാജു ഇവരുടെ മകൻ സവിൻ സാജു എന്നിവരാണ് മരിച്ചത്. ഇവരുടെ വീട്ടിൽ നിന്ന് ആത്മഹത്യാക്കുറിപ്പ് കണ്ടെത്തിയിട്ടുണ്ട്. മൂന്ന് ലക്ഷത്തിന്റെ കട ബാധ്യത ഉണ്ടെന്നാണ് അമ്മയും അച്ഛനും ചേർന്നെഴുതിയ കുറിപ്പിൽ പറയുന്നത്. മാതാപിതാക്കളുടെ മരണം അറിഞ്ഞ് മകൻ ആത്മഹത്യ ചെയ്തതാവാമെന്നാണ് പോലീസിന്റെ പ്രാഥമിക നിഗമനം. കുടുംബത്തിന് സാമ്പത്തിക ബാധ്യത ഉണ്ടായിരുന്നതായി ബന്ധുക്കളും പോലീസിന് മൊഴി നൽകിയിട്ടുണ്ട്.
(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാൻ ശ്രമിക്കുക. അത്തരം ചിന്തകളുളളപ്പോൾ ‘ദിശ’ ഹെൽപ് ലൈനിൽ വിളിക്കുക. Toll free helpline number: 1056, 0471-2552056)
