കോഴിക്കോട്: കോഴിക്കോട് മെഡിക്കൽ കോളേജിൽ പ്രസവ ശസ്ത്രക്രിയയ്ക്കിടെ ഗുരുതരമായ ചികിത്സാ പിഴവുണ്ടായെന്ന പരാതിയിൽ ഡോക്ടർക്കെതിരെ കേസെടുത്തു. കോഴിക്കോട് ചെറുവണ്ണൂർ സ്വദേശി അനുശ്രീ നൽകിയ പരാതിയുടെ അടിസ്ഥാനത്തിൽ ഡോ. ഷമ മുഹമ്മദിനെതിരെയാണ് പോലീസ് കേസെടുത്തത്.
പ്രസവ സമയത്ത് ‘ഫോർസെപ്സ്’ (Forceps) ഉപയോഗിച്ച് കുഞ്ഞിനെ അശ്രദ്ധമായി വലിച്ചെടുത്തെന്നാണ് കുടുംബത്തിന്റെ പരാതി. ഡോക്ടറുടെ ഭാഗത്തുനിന്നുണ്ടായ ഈ വീഴ്ച കാരണം കുഞ്ഞിന്റെ തലയോട്ടി ചുരുങ്ങുകയും സ്ഥിരം വൈകല്യം സംഭവിക്കുകയും ചെയ്തുവെന്ന് അനുശ്രീ ആരോപിക്കുന്നു.
2024 ജനുവരിയിലായിരുന്നു അനുശ്രീയുടെ പ്രസവം നടന്നത്. പ്രസവത്തിലെ സംസാരവിഷയമായ സങ്കീർണ്ണതകളെ തുടർന്ന് അനുശ്രീക്ക് പ്രസവത്തിന് ശേഷം അഞ്ചോളം ശസ്ത്രക്രിയകൾക്ക് വിധേയയാകേണ്ടി വന്നു. കൂടാതെ ഗർഭപാത്രവും നീക്കം ചെയ്യേണ്ടി വന്നു. ഡോക്ടറുടെ ചികിത്സാ പിഴവിനെതിരെ നടപടിയും കേസെടുക്കലും ആവശ്യപ്പെട്ട് അനുശ്രീയും കുടുംബവും മെഡിക്കൽ കോളേജിന് മുന്നിൽ പ്രതിഷേധം സംഘടിപ്പിച്ചിരുന്നു. ഇതിനുപിന്നാലെയാണ് പോലീസിന്റെ നടപടി.: ഡോ. ഷമ മുഹമ്മദിനെതിരെ കേസെടുത്ത് പോലീസ്
