വടകര: വടകരയിൽ പനിയും വയറിളക്കവും ബാധിച്ച് ചികിത്സയിലായിരുന്ന യുവതി മരണപ്പെട്ടു. മേപ്പയിൽ കളത്തിങ്കൽ മീത്തൽ വീട്ടിൽ മനോജിന്റെ ഭാര്യ രേഷ്മ (42) ആണ് വടകര ഗവ. ജില്ലാ ആശുപത്രിയിൽ വെച്ച് മരിച്ചത്. പനിയും വയറിളക്കവും രൂക്ഷമായതിനെ തുടർന്ന് കഴിഞ്ഞ ദിവസമാണ് രേഷ്മയെ വടകര ഗവ. ജില്ലാ ആശുപത്രിയിൽ പ്രവേശിപ്പിച്ചത്. ഇവിടെ ചികിത്സയിൽ കഴിയവേ ആരോഗ്യനില വഷളാവുകയും രാത്രി 10.30-ഓടെ മരണപ്പെടുകയുമായിരുന്നു. സംഭവത്തിൽ ദുരൂഹത ആരോപിച്ച് ബന്ധുക്കൾ നൽകിയ പരാതിയുടെ അടിസ്ഥാനത്തിൽ പോലീസ് എഫ്.ഐ.ആർ രജിസ്റ്റർ ചെയ്ത് അന്വേഷണം ആരംഭിച്ചിട്ടുണ്ട്.
