പിണറായി വിജയനെതിരായ പരാമർശത്തിൽ മുഖ്യമന്ത്രി വി ഡി സതീശനെതിരെ എംഎൽഎ പി എ മുഹമ്മദ് റിയാസ് എംഎൽഎ. ആർഎസ്എസ് നേതാക്കളുടെ ചിത്രത്തിന് മുന്നിൽ കുമ്പിട്ട് നിന്ന് നിലവിളക്ക് കൊളുത്തിയ രാഷ്ട്രീയ പാരമ്പര്യമല്ല സഖാവ് പിണറായി വിജയന്റേത് എന്നാണ് പി എ മുഹമ്മദ് റിയാസിന്റെ മറുപടി. ഫേസ്ബുക്ക് പോസ്റ്റിലൂടെയാണ് മറുപടിയുയമായി എംഎൽഎ രംഗത്തെത്തിയത്. ബിജെപി കേരളം ഭരിക്കുന്നതിന് സമാനമാണ് സാഹചര്യം.
പ്രതിപക്ഷ നേതാവിനെതിരെ അസംബന്ധം പറയുകയാണ് വിഡി സതീശൻ എന്നും പി എ മുഹമ്മദ് റിയാസ് പ്രതികരിച്ചു. പ്ലീഡറുടെ നിയമനത്തിൽ ഇടത് പക്ഷം മാത്രമല്ല കെഎസ്യുവും വിമർശനം ഉയർത്തിയിരുന്നു. മുഖ്യമന്ത്രി എല്ലാവരുടേയും മുഖ്യമന്ത്രിയാണ്. എന്നാൽ സംഘപരിവാർ നേതാക്കൾ മുഖ്യമന്ത്രിയുടെ ഓഫീസ് കയറി നിരങ്ങുകയാണ്. അവർ ആഗ്രഹിക്കുന്ന കാര്യങ്ങൾ നടപ്പിലാക്കുന്നു.
മുഖ്യമന്ത്രി ഉന്നയിക്കുന്ന കാര്യങ്ങൾക്കല്ല മറുപടി പറയുന്നത്. ഹിന്ദു ഐക്യവേദി നേതാക്കളെ രഹസ്യമായല്ല കണ്ടതെന്നായിരുന്നു മുഖ്യമന്ത്രി വി ഡി സതീശൻ നേരത്തെ പ്രതികരിച്ചത്. പിണറായി വിജയൻ ആർഎസ്എസ് നേതാക്കളെ ഒളിച്ചുപോയി കണ്ടത് പോലെയല്ല താൻ കണ്ടതെന്നും മുഖ്യമന്ത്രി പ്രതികരിച്ചിരുന്നു.
